وفـّــر ملامــــك و النــــدم و بكــــــاك

*********
وفـّــر ملامــــك و النــــدم و بكــــــاك ..... فـي اللي مضى يحسـن اللــه عـزاك
وفـّـــــر دمعــــــــــــــــــــــــــــــــــك ..... و عـوّد انظـارك ع الفراق و سمعـك
كنّــــا قمــــر ليلـــك و كنّـــا شمعـــــك ..... و كنّـا ليــا كثّــــح الريـــــــــح ذراك
من قصـر شبحـك من غبـاك و طمعـك ..... ريـت في السمـا غيمـه سكبتـه مـاك
ماعــاد يغرينــي صفــاك و لمعــــــك ..... وضـح معدنـك نوعه و بـان صـداك
و لاعــاد طرحــك ينفعـــك لا جمعــك ..... مـدروج فــي خانـة امـوات اسمـاك
دمعــــــــــــــــك وفـّـــــــــــــــــــــر ..... لا يهـزنـي لا عـن خطـــــاك يكفـّـــــــــر
رصيـدك معايـــا فــي الغــرام اصّفـّر ..... متخالصيــن رانــا مـن زمـان سـلاك
*************
مقطـوع بثّـي مـــن قـداك اشّفـّـــــر ..... تداويـت مـن جرحـك بقــل وفــــــاك
تلعــب تغـرّق فـي الحفيـــر تحفـّــــر ..... ليـن صـرت طايـح في حفيـرك هـاك
محطّـم و وجهـك في التـراب معفـّـر ..... اذّيبــل ورق وردك و راح شـــــذاك
بديت بعد جذبك ، في النفوس تنفـّر ..... خذيتــك بنيتــي ربنـــا كافــــــــــــاك
و نـا مـوش شامـت لا عليك نصفـّر ..... مغيـــر بـاب طقّيتــه جوابــه جــــاك
********
لا تجـــــــــي لا نجيــــــــــــــــــــك ..... و لا نريـد حتـى نسمعــــه طاريــــك
وفّـر دمـوع الكـذب فـي مـاقيـــــك ..... تلقاهــن انكـان ابعـدي غافـل جــاك
الا العيـب ما هـو فـي الغـلا لا فيـك ..... العيـب في عيـون تشوف فيك مـلاك
أيـام كنـت وردي كنـت عانـي بيـك ..... مـا حسبت يـوم تسـم لي لشـواك !!
بدّلتنـــي باللـي سعــــى يغريـــــــك ..... و وين مـا شرب عطـرك بعيـد رماك
شريـت بايعينـك بعـت مـن شاريـك ..... و اليوم جـاي بتصلّــح قزاز خطـاك
تحسابنـي مازلـت طـوع يديـــــــك ..... لعمـى الســـاذج لولـــــي هــــــذاك
لا و حق مـن كيـف القمـر ناشيــك ..... و دارك سبــب ضلـة عــرب نسّـاك
و جابك اصدافي ذبت فـي مياميـك ..... و دورك اللـي كيــف الحريـر كسـاك
**************

ان شاء الله اختياري ايكون موفق وتنال اعجابكم والقصيدة هذى لخوكم محمد الممهور

الشاعر قال
الروعة دوبك وروعة الروعة
شيلتك لهدوبك ....والرايعة بلحيل يقسم صوبك

..... واروع روايعهن نعيش معاك

و اني نقول

الروعة ذوقك وروعة الروعة دخلتك واسلوبك ... والرابعة نرجاك في موضوعك

واروع روايعهن يزيد عطاك

وفـّــر ملامــــك و النــــدم و بكــــــاك Images-935589b66d

نعم والله رائعة بكل ماتحمله الكلمه فعلا انتى مبدعه
واختيارك موفق

وفـّــر ملامــــك و النــــدم و بكــــــاك

اكيييييييييييييد نبى نرد

لا و حق مـن كيـف القمـر ناشيــك ..... و دارك سبــب ضلـة عــرب نسّـاك

و جابك اصدافي ذبت فـي مياميـك ..... و دورك اللـي كيــف الحريـر كسـاك

و نظافــة جبين و خـد و تسهريــك ..... و لطفــك و تبسيمـة ورود شفـــاك

سبحان من جمع كل السماحه فيـك ..... لو كـان غير سوّى ظاهـرك جـوّاك

مـاشــي معـــــاك بنيّتــي نبيــــــك ..... و انـت علـى سـاس الغـــرر مبنـاك

و اخـذ الحـب بضحك و تسهويـك ..... مـا درت للخاطـر حسـاب معــــــاك

في وهـــم عيّشتـه حـرام عليــــك ..... خـش البحر عابـي على مرســـــــاك

مصـدوم خلّيتـه دهـــر يبكيــــــــك ..... و يشاكــي نجــوم الليــل بمهايــاك

تسلمي يا اختى فيروز والروعة انتى وخوى ابن البادية علي تواصلكم

تسلمي يا اختى فيروز والروعة انتى وخوى ابن البادية علي تواصلكم

سوسو إني نقولك

::: اللي بغاك ابغيه تربح منه واللي جفاك بعد طريقك عنه

فقط عليا لاستمتاع بالقراءة لانه لا مكان لي امام هؤلاء العمالقة
دمتم جميعا

وفـّــر ملامــــك و النــــدم و بكــــــاك Tslalayadee

تسلمولي يارب على ردودكم الحلوة وان شاء الله ما انخيب ظنكم يا رب