هذه بعض الأبيات الشعبية التي بحث عنها في شبكة المعلومات والتي تصف الصاحب الخائن وللأسف لم اعرف اسماء الشعراء وياريت لمن لديه اضافة يمدنا بمزيد حرفه المبدع
شخص يقول لصديقه الخائن التالي :
غير ليش يا صاحب**** العهد تخونه
يلي رفاقة عمرنا وفتونا
غير ليش يا صاحب معاي خطيت**يلي مقامك في السماء حطيت
لو كان صادق ما علي خبيث**لا عاد لمنا و لا عليك قسونا
غير ليش يا صاحب
بلاها العيبه **يلي علي شانك نسيت سريبه
معاد نرجي ولا نريد حبيبه**ولا عاد نطروها ولا تطرونا
غير ليش يا صاحب
خودها و ارتاح**ام السبيب ام العيون سماح
غير ليش يا صاحب
=================
لا ما نلومك***هي لي خداتك طيحتلك سومك
ولا عاد نرجي فيك لا في قومك**ولا عاد صحبتنا ترد ..انسونا
غير ليش يا صاحب
يا صاحب ما تقدم الاعذار **بعد ما صار** اليوم عرفت انك غدار
بعد كنا زمان اصحاب**وكنا كيف الخوت احباب
وكنا كيف ضنا الاجواد**رفاقه ديما ليل نهار
حصل فعلك من دون اسباب**خلاني ليومي محتار
=================
يا صاحب ما تقدم الاعذار **بعد ما صار** اليوم عرفت انك غدار
فعلتك فعله شنيعه**كيف ما قتل جساس ابن ربيعه
بعت رفقتنا بأبخس بيعه**بعد ما زماني عليا جار
يا صاحب ما تقدم الاعذار **بعد ما صار** اليوم عرفت انك غدار
الصاحب خدعني ودار فيا الشينه**طلبت الفزع واطا عليا عينه
قعد يــســـألني**وقال صاحبي وما يشغلك يشغلني
عطاني كلام الليل بيه خبلني**وطلعت الشمس و ذاب ما عاطينا
وما كان في حسابي انه يخدلني**الامثال في الصحبة انضرب بينا
خدعني خذلني خاني ضللني**وضيع الصحبة فــ يوم ماهو لينا
ومازال عنده وجه و يقابلني**بعد ما محي جملة لي خطينا
حسبته دراعي**ومن غير ما ننده يجي فزاعي
الصاحب خدعني ودار فيا الشينه**طلبت الفزع واطا عليا عينه
وغيره قال *******
الصاحب لى ما يجيك وقت الشده ** كلمت اشحالك من بعيد اتسده
راحن أيام الرفيق ووقته ** ماعاد من تعبا علية في شده
راحن أيام الرفيق ووقته ** راح رفيق الدرب صعب ترده
خانك لي علي بيتك أمتة** ومن زيتك وشعيرك وكلتة
راحن أيام تقول عندي صاحب *** في البيت خوك , وفي الشدايد سلم عليا كان راة واحد
وقال غيره
غير ليش يا صاحب ايامي تنسى ... تغلط وانا نسامح وتزيد تقسى
وامخليلك مينا بحري فيه ترسى ... غير ليش يالصاحب عليك نهون
وليش تسافر وتخليني ... دنيا من غيرك ما تملى عيني
نزعل ومن غيرك ايرضيني ... ومن بعدك ما عرفتش منهو نكون
ياعزيز غلاك فــ قلبي انقيمه... شيء كبير وعشرة قديمة
وانت فــ بالي والغية ديمة ... شيء ساكن في المكنون
غير ليش نويت عالرحيل ... وانت الي لي عز دليل
كيف بنعدي ايامي والليل ... وانت بعيد يا زهى العيون
وليش عليا نويت تغيب .. وتخليني كيف الغريب
فــ دنيا ما نعرف من وين نجيب ... طيبة قلبك انت يالحنون
وفي الرفق قال الشاعر:
لى ترافقا تعرف جميع افعاله**وطول الطريق اتبين الرجاله
تعرف نوعه ***اما تتركه ولله اتجى فى طوعه
وواحد عاجبه صاحبه فقال :
موش كل من ضحك صاحب أتقول انديره .... وتعبا عليه برفقته فرحان
ولاكل من جاور إيعد الجيره ..... ولاكل واحد ينعطا الامان
وانتا أنعدك م التريس الخيرة ..... وعابي عليك برفقتك مطمان
وواحد يوصف في حالته مع صحابه فقال
صحاب ينشدو ونا زاد ننشد عنهم
و اصحاب ماتوا واصحاب نا راكنهم
وواحد يوصي في ولده فقال:
الصاحب اللي ماتلقاه وقت العازه* واللي نشدته عنك بكيف مجازه
ان جاك احسبه هدراز من الهدرازه * وان كان غاب ما تحسب عليه المده
وان دار الخطا واجب عليك اجتازه* راهو العتب واللوم علي ايعده
وهذا احد شعارنا في الخليج يقول في صديقه الخائن
خاب الرجـا يـاصاحبي لامع الصيت.................... الصاحب إللي عند كل حاجة عدمته
جابتني الحاجة وجيتك على البيت........................وأفـشيت لـك سرن بـنفسـي لزمته
أبـيـك تـنـقـذ ظـامـري من التناهيت......................الله يـساعدنـي عـلى إللـي كـتمته
ووعـدتـني والظـاهـر إنـك تناسيت.....................أهـمـلـت وعـدي يالـصـديـق وهضمته
عاملتني كنـي خطـات السلاحيت.......................مقبـل ترحـب بـه ومـقـفـي شـتـمـتـه
.....لكن .......
لـكـن قــولـو لـه تـرانـي تـراخـيـت.....................وإللـي بـنـيـتـه مـن صـداقـه هـدمته
وإن ضاق صدري لفضل الهجن شديت...............حرى نـهـوم أللـي ركـبـت وزهـمـتـه
وشديت لـديــار الـجـدود وتـسلـيــت..................أمشي نـهـاري وأسـود اللـيـل نمته
وإن شفت مجلس ذل عنه تناحيت....................والـنفس عن باقـي المـذلـه عصمته
الـذل مارضـى لـو أصبحت مامسيت.................والصبر عأز وهـيـبـة الرجل ؟؟ صمته
نتمنى تلقوا خيرة الرفق معانا
دمتم بود دائم