ما عاد عندى شوق؟؟؟

السلام عليكم ..
حبيت انشاركم بقصيدة للشاعرة نورا المغربي قصيدة جميلة واتعز عليا وان شاء الله انها تنال اعجابكم ونلقي ردود عليها
القصيدة تقول ....

ما عاد عندى شوق يمشى شورك .. غيابك على اليوم كيف حضورك
كيف اغيابــــــــــــــــــــــــــــــك ... حضورك اساوى اليوم مهما جابك
لاتقول شوق ولا تقول احبابـــــــك .. كان جيت وإلا غبت واخد دورك
ما عاد نشرب مر كاس عذابــــــك .. ولا عاد ناكل من سموم اخطورك
ولاعاد م العطش يروى اليوم شرابك ..و لاعاد يضوى في حياتى نورك
ولا عاد صفحة تنطوى في كتابك .. ولا عاد نقرئ حرف من دستورك
ولا عاد كلمة تنقبل بوجابـــــــــــك .. و لاعاد القلم ينجر فوق سطورك
ولا عاد عمري نرصده في حسابك .. ولا عاد فكرى نشغله بخطورك
سوا تحل يا تقفل عليا بابــــــــــك .. ما انخش غافل فى غريق بحورك
كسر الخواطر شين ما نحسابـك.. بكســـــــــــــرها تبدع وتتقن دورك
كسرنا جفاك وقسوتك وغيابك .. وجـــــــــــــــــبرنا بذكر الله كسورك

والسلام...

بصراحة ان كان الشاعر ابدع في قصيدته فانت اختي الفاضلة ابدعتي في اختيارك
اشد على يدك وواصلي على هذا المنوال خاصة و انك بين ثلة من المبدعين
وهذه تحية مني اليك على مجهودك .

ما عاد عندى شوق؟؟؟ 955

مليون مرحب عزيزتى سوسو انتظرنا هده الطله مند ايام ونشكر تلبيتك
دعوتى ونحن سعداء بوجودك معنا

مليون مرحب بجنوب ليبيا
قصيده رائعه جدا

ونرد ونقول

خوذها للذكرىيمكن اترايف ع الملامح بكرا .....وداع الصورة خوذها لذكرىخوذ أوراقي وخوذ مني كل شي وأشواقي ...يمكنتحس بغيبتي.....وفراقي وتبكي بعدها خاطري تفتكرهخوذ هديتي فيها حروفيأتذكرك حنيتي...وتعرف بعدها كيف كانت نيتي ... ويفيق قلبك من جفاهومكرهخذيت طريق وما درت كيف نتركك في الضيق ... معروف عني ما نخون رفيق لوكان ما عندك عليا فكرهخوذها للذكرى
تسلم الأيادي اختى العزيزة قصيده روعه والاروع حضورك
تقبلي تحياتي

شكر ألف شكر لي اختى روضة واخى ابن البادية علي مروركم وردودكم الحلوة ... وهذا رد علي خوى ابن البادية انقوله ....

يا مكتوب ادعي امعاي ديما ** صبر ايوب يلهمنا الله
نا ويّاك وانديرو عزيمه ** عاللى فارق وانهونو غلاه
ذكريات مالماضي قديمه ** اتجيني وين ما يطرو اسماه
مو برضاي فارقته ظليمه ** مالاقدار وايستا رجــاه
ويا مكتوب نلقنها جريمه ** فراق الزين والعيشه بلاه

والسلام ..

مشكوره اختى سوسو نعرف بانك لاتستسلمين بسهوله وهدا رد انشاء الله يكون فى صلب الموضوع

عشق الجناح للعلو ... عاشق وما انتخلى

مر انتظارك حلو ... نرجاك عمري كله

وحتى انكان حجبني ... عنك الظرف الروح ما نسياتك

وين ما تكون احسبني ... ظلك اللي والف علي خطواتك

بالحس نتبع فيك ... ما اتخاف من طول السهر يبعدني

كيفي انا نبيك ... نرفع اطراف الحمل وتساعدني

وانعاهدك بالله ... وبشوق الخواطر والحنين معاه

دوبين عندي حيل ... ودوبين فيدي للغلا قنديل

ما نخط حرف الا حروف اسماك

مشكور علي ردك .......... وهذا رد منى على قصيدتك ان شاء الله يعجبك

.........

لفالي عشق ماهوا فبالي....غير فحالي....حسبته يوم سهرني ليالي

لفالي عشق ماهوش ليا .... لقيته لقيه...ماهوش ضلل غير جاني هدية....نراوا بيه كي شرب لميه....ويرتاح بالي....ونفرح بيه ايام وليالي

لفالي عشق سمح الوصايف ..... بعد كنت رايف .... جاني بشوق نساني الحسايف ....ومن هليوم ماعاد خايف .... حبيبي الغالي... انادي بيه وصوت عالي
لفالي عشق مافيش منه.....طيبه ومحنه..... وفيسع انضاري والفنه......لساني زاد بي صوبه يتغنه....بسمه ايلالي ..ماهوش حاسب احساب والي

لفالي عشق جاي من غادي...ايدودش ايدادي....طالب صوب متعني فردي.....حرمني النوم قلقني وسادي...ماهو فبالي....يقعد دوم متزعم خيالي

لفاني عشق ابلاده بعيده.....وناسه سعيده.....الهم عادات عليا جديدة......رغم الفرق نلقني انريده ....انشوفه اقبالي ...ونفرح بيه يرتاح بالي

لفالي عشق ماو من دمي .... ولا لعيت عمي ..... خفت انقول يخرب ملمي ....لاكن ني راضي بهمي.....ساكن فبالي ...غيرا هو مانبيش والي

لفالي عشق ارجوكم ادعولي.....نصايح اهدولي .....يوم بيوم يالاهم اميولي.....يامولاي ياسمع ابقولي....قرب الغالي...بشرع الله يبدا حلالي

لفالي عشق ماهوا فبالي....غير فحالي....حسبته يوم سهرني ليالي

وشكرك على مرورك

مرة تانية ياسوسو الف مراحب بيك معنا

بالفعل

ما عاد عندى شوق؟؟؟ 463890a3f7

والله معها حق الغالية فيروز

اختيارك جد مذهل

بالتوفيق

مذهلة فعلا واهلا بيك معانا

الكريمة سوسو

بصدق حظورك انتي وابن البادية والمرءة الحرة
شي جميل ومشجع في المنتدى

حاجة روعة .. ابياتك دواء للي رماتا اللوعا
شي جميل .. ابيات لايريدن شرح لاتحليل
واضح كما ضي القمر في الليل .. ونس للعليل الي سهر بدموعا

عموما اختي سوسو
اسعدني وجودك

احمد الهوني

تسلم اخى احمد علي تشجيعك وهذا من ذوقك والله

السلام عليكم اختى الغاليه ويسعدنى ان اضع تعليقى الاول بعد ان قراءة هذه الابيات الاكثر من رائعه ومن غير اى مجامله ومزيدا من البذل والعطاء لنرتقى بمنتدانا الغالى من الافضل الى الافضل وتقبلى مرورى

ما أعذب و ما أصدق بوح القلوب حين ينطق الاحساس بلهجته
تعابير لامست الجرح فزادت من عذوبة العذاب في الحب
و أمام بلاغة بوح الفؤاد أصمت لأحيل الكلام الى الورود عساها تبلغ المقصود
لك مني سوسو يا صاحبة المشاعر الناطقه
و لك مني يا ابن الباديه يا من تأخذنا بأشعارك الى روابي كل البوادي
أصمت لأقول الكثير عبر هذه الورود

ما عاد عندى شوق؟؟؟ Post-20628-1188476187

تسلمى اختى بسمة وضوء القمر علي هذه الكلمات الرقيقة التى عجزت في الرد عليها

ان شاء الله انى انكون من الذين يطموحون الى رقي المنتدى يا رب

ولكم منى احلى التحيات