شعر شعبى كيف ترد

بالك بالك .....ايدور الزمان وينشدوك اعيالك .. من ف الزمان ظلمت ( كيف ترد )

وتحكى علــى ماضـــى قديم انـــهد

وعلى جرحتــــــه فـــى كنينه ابـجد

وكمــــــــل حياته ف الـغلا وفــالك

واللـــى تركــته ودمعته ع الخــــد

مـــازال فاكـــــر خونتك وافــعالك

درت الخطــاء واعــيوب ما لاحد

ونسيت قلبى بالمروه شـــــــــالك

ايجيك يوم منى كـــــل شـــى يرتد

وندعى عليك افصحتك واحـوالك

والله مــــــا يغفل وينســى حـــــد

بـكـــرا ايحاسب دورتك واعمالك

بس حبيت نقول انها فعلا مشاركة حلوة لي عودة فيما بعد

عندما ينطق قلمنا صادقا فإنه دوما يبدع ما دام الصدق منبعه..
وحينها نثبت كلماتك أختي لأننا دوما نطمح للإبداع ..
لكى مني أرق تحية على المرور

لو نشدني بجد نسكت شوي ونقول كلمت حق

جرحتا بعد جرحني ومانسيت ..... والجرح للي سبق

نا ما خطيت فيه غير قلبي عليه شرق

بس خسارة غلايا فيه راهو في عيوني طق

تعمد جرحي بعد خونة بنية وقصد

خلى حياتي خريف وظلام مالا حد

نا مالقيت الصراحة غير الصد

وجرحي الوحيد اني هجرته وبابي قفلته رحلت

مش عارف هذا اللي طلع معاي خوي ابن البادية مبادرة مليحة منك

احتار قلميوتاهت كلماتي ..
وانأ اقف إمام هذا الشاعر العنيد
سلمت يداك ياخوى والله أنت فعلا صقع
ولكن لم أصل إلى غايتى بعد

[url=http://fashion.azyya.com][/url]

بصراحة لا يمكن ان اتوسطكما انت و الاخ حمودي لانني اصغر بكثير من ان أظاهي ابداعكما لكن يكفيني ان استمتع كل الاستمتاع بقراءة الشعر الشعبي فأنا من محبيه كثيرا
فواصل على دروب النجاح و لك مني كل التشجيع

( لقد اجبت على ردك لي في ما كتبته فرايك يهمني...)

بارك الله فيك اختى روضه على مرورك وعلى كلماتك ونؤثمن لك هدا الشعور النبيل وجودك بيننا دافع ومحرك قوى لنا وهنيا لنا بانظمامك الى هذا المنتدى

والشعر الليبى جميل لانه نابع من الذات

مره اخرى اشكر مرورك

اني جيت برد وان شاء الله نكون وفقت فيه

يسلم حالك... ياناشد علي نشوف عيالك ... عن من في الزمان ظلمت...نقول في رد

ونحكي علي ماضي القديم جبد

علي جرحته جرح مالا حد

وهو كل راس مالي علي نقولهالك

وفي غلاي وفىّ بقلب وجد

ونا رفعني صغر السن والصبر نسالك

ماتقول اني قابلت الوفى بالصد

انا لامي وبوي حكاية غلا ما فيش كيف نوصفهالك

لكن حتى في شرع الله حق الام مايوفى لحد

وصى عليها ثلاث ثم قال باتك

ونا بوي في عيني خيرة رجال الارض

علي ما ندير الحق ما نكافي افعالك

الله يجعلك يابوي زاير لبيت الجد

ورافع كتاب الله وامي قبالك

ونختم بالصلاة ع النبي محمد

خاتم رسل الله وكل من رغب فيك وجالك

وتسلموا

انا قررت ان اعتزل الشعر ياناس صواريخ جايات مانقدر انرد

بجد كل منكم مبدع وكل منكم رائع وكل منكم .............. بكره انكمل

هالله هالله هالله ماشاء الله وتقولي مانعرفش نكتب شعبي

والله صدق ولد البادية صواريخ حق

تبارك الرحمن عليك

لا عنجد غريب
البنت هادي مش عادية

ابن البادية لا تستسلم لانها تحب الانتصار بليز اعطيها غيرها

العزيز حمودي انت رائع الا انك هنا استعجلت قليلا لو دورتها براسك اكتر كنت جبتها صح

تحياتي

[url=http://fashion.azyya.com][/url]

بجد اختى غزل شرفنى و اسعدنى مرورك الرائع على صفحتى
كل الردود كلمات رائعة فعلا نورت صفحتى و امتعتنى جدا جدا وانا جاى لن استسلم لنجعلها مبارزه شعريه بلا هوادة

بالك بالك .....ايدور الزمان وينشدوك اعيالك

نقول .....................

يا من جفيتيني ونا في بابك... خنتي العهد خاننك ايام شبابك
ونــا نـشـكـيـلـك... وانريد فوق راسي م الوطاه انشيلك .. اتخوني بلا سابق انذار نزيلك ...

وتلفي اطرافك وين نا ما انجيلك.م الساعة اتنو ضي تنفضي في اثيابك
معا ادعاي مـَـن سقتي وراه رحيلك...... مااتريد تزهيبه ولا يزهابك
ونا نسال عنك مانهارانسيتك ......... وانتي انظرك طايش للخلاء ثاريتك
واخذك حنين الواردات القيتك ......... خبيرك معا درب الخلاف مشابك
بلا امداس تاطي في منامي ريتك ......علي شوك بالي في طريقك شابك
واقدعن وينما شانن مقاصد نيتك ......عليك لاورا ردن اردود احرابك

ونـا لـبـريـــدك .. امعقد شكاويي وماسك في ايدك

عشيرة علي سنة الله كنت انريدك ........ متطايبين والشاهد وكيل اكتابك
وناوي بما نقدر اقدار انزيدك .............. وانديرلك نباء بيّن اينال اعجابك
ولكن خطا التعني محا تمجيدك............. وهون امهياتك وطول اغيابك
وناوراك ياشوف الخماس الجيده.......... نعيط ونجرى ماخطاك انريده
طويل فوق بو طابع نظيف حديده ......... انكان جيت تسفي ع الخدود احجابك .. وانكان غبت يداير ايزوم رعيده..ويبقى نزيل اشبوب نوك حابك
ورزقي علي امقسم ارزاق عبيده..... انكان يا مرادي ما نصيبي جابك

ونـا مــخــتــارك

ودايلا تني فاهق خطاك ونارك ... يا اللي ان تاقن تحت من جرجارك يـضاون امضاوات البروق اكعابك ايحوس المدار عندي ان ريت اديا رك..ومابي ولاحاجه امفيت اسبابك بالله ليش يالخايلة انجيت اصدارك اتجي من بعيد اتغيري مهلابك ؟

بالك بالك .....ايدور الزمان وينشدوك اعيالك

انتظروا بقيه القصيدة علما بان هده القصيده للشاعر احمد رميله

لالالالالالالالالالالالالا التحدي غير متكافئ
صعب نتحدى شعراء فطاحلة

بس خليني ندورها في راسي ونجيك

الحق مافيش كيف دورتها هلبة وما لايمت عليها

وين بقية القصيدة انا رفعت راية الاستسلام

أنتم حقا تقولون كلاما مصدره نابع من القلب
كلاما صداقا يبعث في المرء الإعتزاز
لكونه متواجد في هذه الأسرة
الطموحة الصادقة
محبتكم إلى
الأبد سيرين

تلبيه لطلب المدير العام اليكم قصيدة الشاعر احمد رميلة

.ونا فى بابك
-
ونا في بابك.خنتي العهد خاننك ايام شبابك.يا من جفيتينيونــا نـشـكـيـلـك...................... وانريد فوق راسي م الوطاه انشيلك
اتخوني بلا سابق انذار نزيلك .............تبقي قليلة خير ما نحسا بك
وتلفي اطرافك وينما انجيلك ..............م الساعة اتنو ضي تنفضي في اثيابك
معا ادعاي مـَـن سقتي وراه رحيلك........... مااتريد تزهيبه ولا يزهابك
ونا نسال عنك مانهارانسيتك ................ وانتي انظرك طايش للخلاء ثاريتك
واخذك حنين الواردات القيتك ................ خبيرك معا درب الخلاف مشابكبلا امداس تاطي في منامي ريتك .............علي شوك بالي في طريقك شابك
واقدعن وينما شانن مقاصد نيتك ...............عليك لاورا ردن اردود احرابك
ونـا لـبـريـــدك.................... امعقد شكاويي وماسك في ايدك
عشيرة علي سنة الله انريدك ............... متطايبين والشاهد وكيل اكتابك
وناوي بما نقدر اقدار انزيدك .............. وانديرلك نباء بيّن اينال اعجابك
ولكن خطا التعني محا تمجيدك.............. وهون امهياتك وطول اغيابك
وناوراك ياشوف الخماس الجيده............. نعيط ونجرى ماخطاك انريده
طويل فوق بو طابع نظيف حديده .............. انكان جيت تسفي ع الخدود احجابك
وانكان غبت يداير ايزوم رعيده ...............ويبقى نزيل اشبوب نوك حابك
ورزقي علي امقسم ارزاق عبيده.............. انكان يا مرادي ما نصيبي جابك
ونـا مــخــتــارك........................ ودايلاتني فاهق خطاك ونارك
يا اللي ان تاقن تحت من جرجارك ..........يـضاون امضاوات البروق اكعابك
ايحوس المدار عندي ان ريت اديا رك ..........ومابي ولاحاجه امفيت اسبابك
بالله ليش يالخايلة انجيت اصدارك .............. اتجي من بعيد اتغيري مهلابك ؟ونـــــا دهــــواري ....................... قاعد علي شانك اسنين قواري
وانتي خطاك معاي مو متواري ..........بالعيب تفتحيه وتقفليه وجابك
عليك م الدموع وم العشم يا ناري............. قطعتي رجا عاشق يريد جنابك
بعاد المواجع طيبين الطاري.................. انعده فنا كيفهم سريب منابك
ونا مــن عـازة ...................... شينة اتخلـّـف في القلوب حزازة
وانعاني ولكن قـلة الحجــّازة ..............خلتني ونا صاحب احقوق انهابك
ديما ابقيتي للخطا منحازة ..................يزيد يتمادى كل يوم عيابك
على ايدك ونابيدي بري نجـّازى............ وراك نار ياويلك نهار احسابك
ونـــا مـــتـمــنــي ................... قسميتك وما طلتك انظرني كني
سكـــّــر طريقك ياس حازك ...............عني زواك نين دقيتي بعيد اطنابك
غلاك وخطاك مع بعضهن جني ...........حتى وهن فواهق سود كيف حجابك
والباب شرع ما تلقي اجرا داينـّي............ قدام حجتي ساهل يكون غلابك
ونــا لـك نـايــل ..................... نجري وراك وشي ماني طايل
انجيت قاصدك نلقاه دونك حايل ............ اطقاق ياس ما ننظر بياض انيابك
وانعاود انجازي غيظ واجد شايل ............بالنقص دوم ايشيرلي سبـّابك
الحال صاف ياشوف الخماس الخايل......... انعان وين ما فـلّـت ربيع اسهابك
.......ونـــــا فـــي بــابــك

الله الله عليك خدمات جدا راقية وسريعة تسلم احلى مدير

بإنتظار مزيدك

تسلم ايديك ايها الرائع ياروح المنتدي اسمحلي نضيفلك الابيات

خنتي خودي جعنك يتيمة دايحة وتلودي ..... عفريت في التنسيل اصله يهودي ....شرفان فاضل من بني فرعونه

يا الله بركة جدها واجدودي اجعل كسرها يجيها من الكارونة